pahle pahal to mujhko hichki aati thi

pahle pahal to mujh ko hichkī aatī thī

baa'd meñ tere naam kī chiTTī aatī thī

baañT liyā karte the donoñ ghar kā dukh

vo bhī daftar thoḌā jaldī aatī thī

kab milnā hai aur kahāñ par milnā hai

copy meñ rakh kar ye parchī aatī thī

ham milte the us se aise mausam meñ

jab sarsoñ ke phuul pe titlī aatī thī

bāġhoñ kī jānib ham dauḌ lagāte the

aam ke mausam meñ jab āñdhī aatī thī

ham bachche bhī kitnā shor machāte the

shaam ko jab bhī gaañv meñ bijlī aatī thī

pahle pahal to mujh ko hichki aati thi

ba'd mein tere nam ki chiTTi aati thi

banT liya karte the donon ghar ka dukh

wo bhi daftar thoDa jaldi aati thi

kab milna hai aur kahan par milna hai

copy mein rakh kar ye parchi aati thi

hum milte the us se aise mausam mein

jab sarson ke phul pe titli aati thi

baghon ki jaanib hum dauD lagate the

aam ke mausam mein jab aandhi aati thi

hum bachche bhi kitna shor machate the

sham ko jab bhi ganw mein bijli aati thi