pahle paidal paidal jaya karte the

pahle paidal paidal jaayā karte the

phir donoñ ik bas meñ baiThā karte the

vo zulfoñ ko pīchhe kartī rahtī thī

phir bhī us ke gesū bikhrā karte the

vo avval thī paḌhne-likhne meñ aur ham

pīchhe sab se pīchhe baiThā karte the

naam pukārā jaatā thā jab us kā to

yes-sir yes-sir ham bhī bolā karte the

duhre kaam kī aadat bachpan se hī thī

us kī copy bhī ham likkhā karte the

us kī nazreñ rahtī thiiñ bas teacher par

ham to keval us ko dekhā karte the

pahle paidal paidal jaya karte the

phir donon ek bas mein baiTha karte the

wo zulfon ko pichhe karti rahti thi

phir bhi us ke gesu bikhra karte the

wo awwal thi paDhne-likhne mein aur hum

pichhe sab se pichhe baiTha karte the

nam pukara jata tha jab us ka to

yes-sir yes-sir hum bhi bola karte the

duhre kaam ki aadat bachpan se hi thi

us ki copy bhi hum likkha karte the

us ki nazren rahti thin bas teacher par

hum to kewal us ko dekha karte the