pahle subh ka raushan tara sirf hamare dhyan mein tha

pahle sub.h kā raushan taarā sirf hamāre dhyān meñ thā

lekin azm kī lau bhaḌkī to sūraj bhī imkān meñ thā

shahr-e-jāñ se dasht-e-adam tak karb kā mausam saath rahā

jaane kis kī khoj meñ the ham kis kā chehra dhyān meñ thā

sahr-e-sūd-o-ziyāñ meñ shor thā ghaTte baḌhte nirḳhoñ kā

lekin us shaffāf galī kā har lamha nirvān meñ thā

mahrūmī kī barf pighal kar merī ragoñ meñ jam jaatī

aañkh meñ sūraj dar aate hī jism bhī ātish-dān meñ thā

maiñ Thahrā ik muflis shā.ir nazr use kartā bhī kyā

bas ye jīvan vaar aayā huuñ jīvan hī imkān meñ thā

saarī umr guzārī 'sāġhar' tab ye tilism-e-zāt khulā

ik chehre kā aks thā mujh meñ ik chehra gul-dān meñ thā

pahle subh ka raushan tara sirf hamare dhyan mein tha

lekin azm ki lau bhaDki to suraj bhi imkan mein tha

shahr-e-jaan se dasht-e-adam tak karb ka mausam sath raha

jaane kis ki khoj mein the hum kis ka chehra dhyan mein tha

sahr-e-sud-o-ziyan mein shor tha ghaTte baDhte nirKHon ka

lekin us shaffaf gali ka har lamha nirwan mein tha

mahrumi ki barf pighal kar meri ragon mein jam jati

aankh mein suraj dar aate hi jism bhi aatish-dan mein tha

main Thahra ek muflis shair nazr use karta bhi kya

bas ye jiwan war aaya hun jiwan hi imkan mein tha

sari umr guzari 'saghar' tab ye tilism-e-zat khula

ek chehre ka aks tha mujh mein ek chehra gul-dan mein tha