pahunch gae to karenge idhar-udhar ki talash
pahuñch ga.e to kareñge idhar-udhar kī talāsh
abhī to hai hameñ un kī galī meñ ghar kī talāsh
hamāre aib meñ jis se madad mile ham ko
hameñ hai āj-kal aise kisī hunar kī talāsh
charāġh le ke phirā DhūñDhtā huā ghar ghar
shab-e-firāq jo mujh ko rahī sahar kī talāsh
talāsh-e-yār meñ kaam aa ga.e hamī āḳhir
hamāre kaam nahīñ aa.ī umr bhar kī talāsh
yūñhī kabhī dur-e-mazmūñ milā nahīñ 'nātiq'
bahut se ġhote khilātī hai ik guhar kī talāsh
pahunch gae to karenge idhar-udhar ki talash
abhi to hai hamein un ki gali mein ghar ki talash
hamare aib mein jis se madad mile hum ko
hamein hai aaj-kal aise kisi hunar ki talash
charagh le ke phira DhunDhta hua ghar ghar
shab-e-firaq jo mujh ko rahi sahar ki talash
talash-e-yar mein kaam aa gae hami aaKHir
hamare kaam nahin aai umr bhar ki talash
yunhi kabhi dur-e-mazmun mila nahin 'natiq'
bahut se ghote khilati hai ek guhar ki talash
- Deewan-e-Natiq
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
