paigham-e-rihai diya har chand qaza ne

paiġhām-e-rihā.ī diyā har chand qazā ne

dekhā bhī na us samt asīrān-e-vafā ne

kah dūñgā jo kī pursish-e-āmāl ḳhudā ne

fursat hī na dī kashmakash-e-bīm-o-rajā ne

hai rashk-e-iram vādi-e-pur-ḳhār-e-mohabbat

shāyad use sīñchā hai kisī ābla-pā ne

ye ḳhufiya-nasībī ki hue aur bhī ġhāfil

naġhme kā asar ham pe kiyā shor-e-darā ne

ḳhākistar-e-dil meñ to na thā ek sharar bhī

bekār use barbād kiyā mauj-e-sabā ne

paigham-e-rihai diya har chand qaza ne

dekha bhi na us samt asiran-e-wafa ne

kah dunga jo ki pursish-e-amal KHuda ne

fursat hi na di kashmakash-e-bim-o-raja ne

hai rashk-e-iram wadi-e-pur-KHar-e-mohabbat

shayad use sincha hai kisi aabla-pa ne

ye KHufiya-nasibi ki hue aur bhi ghafil

naghme ka asar hum pe kiya shor-e-dara ne

KHakistar-e-dil mein to na tha ek sharar bhi

bekar use barbaad kiya mauj-e-saba ne