paikar-e-jism-o-jaan se pahle bhi

paikar-e-jism-o-jāñ se pahle bhī

ḳhaak thī ḳhāk-dāñ se pahle bhī

aisā lagtā hai ham mile haiñ kahīñ

is zamīñ āsmāñ se pahle bhī

ham ne ta.amīr kar ke chhoḌ diyā

ik makāñ lā-makāñ se pahle bhī

aañkh se pahle bhī to manzar the

zā.iqe the zabāñ se pahle bhī

ham kahīñ the kahīñ nahīñ the ufuq

dahr meñ kun-fakāñ se pahle bhī

paikar-e-jism-o-jaan se pahle bhi

KHak thi KHak-dan se pahle bhi

aisa lagta hai hum mile hain kahin

is zamin aasman se pahle bhi

hum ne tamir kar ke chhoD diya

ek makan la-makan se pahle bhi

aankh se pahle bhi to manzar the

zaiqe the zaban se pahle bhi

hum kahin the kahin nahin the ufuq

dahr mein kun-fakan se pahle bhi