paikar se husn jhankte bola ki aaiye

paikar se husn jhāñkte bolā ki aa.iye

dariyā ke saath aap bhī sahrā banā.iye

phir yuuñ huā ham us meñ kahīñ mahv ho ga.e

us ne kahā thā vaqt ko sakte meñ lā.iye

ai sākinān-e-chashm chaleñ sulh kījiye

uThiye hamāre ḳhvāb ko siine lagā.iye

is kāsa-e-hurūf kī suntā nahīñ koī

dast-e-duā sameTiye aur lauT jā.iye

vaqt-e-safar ḳhamosh haiñ bosa-kinān-e-lab

un se kalām kījiye un ko rulā.iye

'ārish' kisī ne chāñd banānā hai chaak par

apne badan kī miTTī zarā gūñdh lā.iye

paikar se husn jhankte bola ki aaiye

dariya ke sath aap bhi sahra banaiye

phir yun hua hum us mein kahin mahw ho gae

us ne kaha tha waqt ko sakte mein laiye

ai sakinan-e-chashm chalen sulh kijiye

uThiye hamare KHwab ko sine lagaiye

is kasa-e-huruf ki sunta nahin koi

dast-e-dua sameTiye aur lauT jaiye

waqt-e-safar KHamosh hain bosa-kinan-e-lab

un se kalam kijiye un ko rulaiye

'arish' kisi ne chand banana hai chaak par

apne badan ki miTTi zara gundh laiye