palaT kar ashk su-e-chashm-e-tar aata nahin hai
palaT kar ashk sū-e-chashm-e-tar aatā nahīñ hai
ye vo bhaTkā musāfir hai jo ghar aatā nahīñ hai
qafas ab āshiyāñ hai ḳhaak par likkhī hai rozī
kabhī dil meñ ḳhayāl-e-bāl-o-par aatā nahīñ hai
pahāḌoñ kī siyāhī se fuzūñ dil kī siyāhī
vo husn ab apnī āñkhoñ ko nazar aatā nahīñ hai
shajar barsoñ se naqsh-e-rā.egāñ ban kar khaḌe haiñ
koī mausam ho shāḳhoñ meñ samar aatā nahīñ hai
mire is avvalīñ ashk-e-mohabbat par nazar kar
ye motī siip meñ phir umr-bhar aatā nahīñ hai
koī qātil ravāñ hai merī shiryānoñ meñ 'ḳhurshīd'
jo mujh ko qatl kartā hai nazar aatā nahīñ hai
palaT kar ashk su-e-chashm-e-tar aata nahin hai
ye wo bhaTka musafir hai jo ghar aata nahin hai
qafas ab aashiyan hai KHak par likkhi hai rozi
kabhi dil mein KHayal-e-baal-o-par aata nahin hai
pahaDon ki siyahi se fuzun dil ki siyahi
wo husn ab apni aankhon ko nazar aata nahin hai
shajar barson se naqsh-e-raegan ban kar khaDe hain
koi mausam ho shaKHon mein samar aata nahin hai
mere is awwalin ashk-e-mohabbat par nazar kar
ye moti sip mein phir umr-bhar aata nahin hai
koi qatil rawan hai meri shiryanon mein 'KHurshid'
jo mujh ko qatl karta hai nazar aata nahin hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
