palaT kar dekh lena jab sada dil ki sunai de
palaT kar dekh lenā jab sadā dil kī sunā.ī de
merī āvāz meñ shāyad mirā chehra dikhā.ī de
mohabbat raushnī kā ek lamha hai magar chup hai
kise sham-e-tamannā de kise dāġh-e-judā.ī de
chubheñ āñkhoñ meñ bhī aur ruuh meñ bhī dard kī kircheñ
mirā dil is tarah toḌo ke ā.īna badhā.ī de
khanak uTTheñ na palkoñ par kahīñ jalte hue aañsū
tum itnā yaad mat aao ke sannāTā duhā.ī de
rahegā ban ke bīnā.ī vo murjhā.ī sī āñkhoñ meñ
jo būḌhe baap ke hāthoñ meñ mehnat kī kamā.ī de
mire dāman ko vus.at dī hai tū ne dasht-o-dariyā kī
maiñ ḳhush huuñ dene vaale tū mujhe katrā ke raa.ī de
kisī ko maḳhmalīñ bistar pe bhī mushkil se niiñd aa.e
kisī ko 'naqsh' dil kā chain TuuTī chārpā.ī de
palaT kar dekh lena jab sada dil ki sunai de
meri aawaz mein shayad mera chehra dikhai de
mohabbat raushni ka ek lamha hai magar chup hai
kise sham-e-tamanna de kise dagh-e-judai de
chubhen aankhon mein bhi aur ruh mein bhi dard ki kirchen
mera dil is tarah toDo ke aaina badhai de
khanak uTThen na palkon par kahin jalte hue aansu
tum itna yaad mat aao ke sannaTa duhai de
rahega ban ke binai wo murjhai si aankhon mein
jo buDhe bap ke hathon mein mehnat ki kamai de
mere daman ko wusat di hai tu ne dasht-o-dariya ki
main KHush hun dene wale tu mujhe katra ke rai de
kisi ko maKHmalin bistar pe bhi mushkil se nind aae
kisi ko 'naqsh' dil ka chain TuTi chaarpai de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
