palken zamin pe apni bichhati hai chandni

palkeñ zamīñ pe apnī bichhātī hai chāñdnī

aise meñ dil hamārā lubhātī hai chāñdnī

jab saath chhoḌ detā hai sūraj to us ghaḌī

rasta musāfiroñ ko dikhātī hai chāñdnī

vo dekhte hī dekhte āñkhoñ ke shahr meñ

har sū mohabbatoñ ko sajātī hai chāñdnī

insān ho yā koī darinda zamīn par

saa.e meñ apne sab ko biThātī hai chāñdnī

har raaz se karāyā mujhe us ne āshnā

har ek baat mujh ko batātī hai chāñdnī

vo bhī hai mubtalā-e-mohabbat mirī tarah

har raat ḳhud ko ḳhud hī jalātī hai chāñdnī

hamrāh bādaloñ ke haiñ 'bismil' ke dāġh-e-dil

apnī ziyā meñ un ko chhupātī hai chāñdnī

palken zamin pe apni bichhati hai chandni

aise mein dil hamara lubhati hai chandni

jab sath chhoD deta hai suraj to us ghaDi

rasta musafiron ko dikhati hai chandni

wo dekhte hi dekhte aankhon ke shahr mein

har su mohabbaton ko sajati hai chandni

insan ho ya koi darinda zamin par

sae mein apne sab ko biThati hai chandni

har raaz se karaya mujhe us ne aashna

har ek baat mujh ko batati hai chandni

wo bhi hai mubtala-e-mohabbat meri tarah

har raat KHud ko KHud hi jalati hai chandni

hamrah baadalon ke hain 'bismil' ke dagh-e-dil

apni ziya mein un ko chhupati hai chandni