palkon pe kuchh charagh farozan hue to hain
palkoñ pe kuchh charāġh farozāñ hue to haiñ
is zindagī ke marhale āsāñ hue to haiñ
merī jabīñ ne jin ko navāzā thā kal talak
vo zarre aaj mehr-e-daraḳhshāñ hue to haiñ
nādim bhī hoñge apnī jafāoñ pe ek din
vo kam-nigāhiyoñ pe pashīmāñ hue to haiñ
sham-e-vafā jalāte haiñ zulmat-kadoñ meñ jo
vo log is jahāñ meñ pareshāñ hue to haiñ
kis mauj-e-ḳhūñ se guzre haiñ 'mumtāz' kyā kaheñ
kahne ko aaj ham bhī ġhazal-ḳhvāñ hue to haiñ
palkon pe kuchh charagh farozan hue to hain
is zindagi ke marhale aasan hue to hain
meri jabin ne jin ko nawaza tha kal talak
wo zarre aaj mehr-e-daraKHshan hue to hain
nadim bhi honge apni jafaon pe ek din
wo kam-nigahiyon pe pashiman hue to hain
sham-e-wafa jalate hain zulmat-kadon mein jo
wo log is jahan mein pareshan hue to hain
kis mauj-e-KHun se guzre hain 'mumtaz' kya kahen
kahne ko aaj hum bhi ghazal-KHwan hue to hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
