paraya kaun hai aur kaun apna sab bhula denge
parāyā kaun hai aur kaun apnā sab bhulā deñge
matā-e-zindagī ek din ham bhī luTā deñge
tum apne sāmne kī bhiiḌ se ho kar guzar jaao
ki aage vaale to hargiz na tum ko rāsta deñge
jalā.e haiñ diye to phir havāoñ par nazar rakkho
ye jhoñke ek pal meñ sab charāġhoñ ko bujhā deñge
koī pūchhegā jis din vāqa.ī ye zindagī kyā hai
zamīñ se ek muTThī ḳhaak le kar ham uḌā deñge
gila shikva hasad kiina ke tohfe merī qismat haiñ
mire ahbāb ab is se ziyāda aur kyā deñge
musalsal dhuup meñ chalnā charāġhoñ kī tarah jalnā
ye hañgāme to mujh ko vaqt se pahle thakā deñge
agar tum āsmāñ par jā rahe ho shauq se jaao
mire naqsh-e-qadam aage kī manzil kā patā deñge
paraya kaun hai aur kaun apna sab bhula denge
mata-e-zindagi ek din hum bhi luTa denge
tum apne samne ki bhiD se ho kar guzar jao
ki aage wale to hargiz na tum ko rasta denge
jalae hain diye to phir hawaon par nazar rakkho
ye jhonke ek pal mein sab charaghon ko bujha denge
koi puchhega jis din waqai ye zindagi kya hai
zamin se ek muTThi KHak le kar hum uDa denge
gila shikwa hasad kina ke tohfe meri qismat hain
mere ahbab ab is se ziyaada aur kya denge
musalsal dhup mein chalna charaghon ki tarah jalna
ye hangame to mujh ko waqt se pahle thaka denge
agar tum aasman par ja rahe ho shauq se jao
mere naqsh-e-qadam aage ki manzil ka pata denge
- Book : khushboo ki rishtadari (Pg. 43)
- Author : anwar jalalpuri
- Publication : paigam publications (2000)
- Edition : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
