parda-e-qalb mein anwar tumhaare dekhe

parda-e-qalb meñ anvār tumhāre dekhe

guftugū kis ne sunī kis ne ishāre dekhe

nā-tavānī pe bharosa hai ajal par takiya

tū ne nākām-e-mohabbat ke sahāre dekhe

mehrbānī kī adā.eñ to qayāmat hoñgī

jaan lene meñ ye andāz tumhāre dekhiye

girya-e-chashm se tūfān bapā hai lekin

is kā dariyā kahīñ dekhā na kināre dekhe

ḳhāksārān-e-jahāñ-rā ba-haqārat ma-nigar

ham ne is bhes meñ allāh ke pyāre dekhe

partav-e-sho.ala-e-ruḳh aur araq-ālūd jabīñ

jis ne dekhe na hoñ paanī meñ sharāre dekhe

parda-e-qalb mein anwar tumhaare dekhe

guftugu kis ne suni kis ne ishaare dekhe

na-tawani pe bharosa hai ajal par takiya

tu ne nakaam-e-mohabbat ke sahaare dekhe

mehrbani ki adaen to qayamat hongi

jaan lene mein ye andaz tumhaare dekhiye

girya-e-chashm se tufan bapa hai lekin

is ka dariya kahin dekha na kinare dekhe

KHaksaran-e-jahan-ra ba-haqarat ma-nigar

hum ne is bhes mein allah ke pyare dekhe

partaw-e-shoala-e-ruKH aur araq-alud jabin

jis ne dekhe na hon pani mein sharare dekhe