parda tumhaare ruKH se haTana paDa mujhe

parda tumhāre ruḳh se haTānā paḌā mujhe

yuuñ apnī hasratoñ ko jagānā paḌā mujhe

maiñ ne to khel khel meñ toḌā thā us kā dil

phir saarī umr us ko manānā paḌā mujhe

jab ishq ik ġharīb se mujh ko huā to phir

dil kā jo mol thā vo ghaTānā paḌā mujhe

us ne kahā maiñ jī nahīñ pā.ūñgī tere bin

is vāste vo rishta nibhānā paḌā mujhe

'faisal' vo saare log the bahre isī liye

ḳhāmosh rah ke shor machānā paḌā mujhe

parda tumhaare ruKH se haTana paDa mujhe

yun apni hasraton ko jagana paDa mujhe

main ne to khel khel mein toDa tha us ka dil

phir sari umr us ko manana paDa mujhe

jab ishq ek gharib se mujh ko hua to phir

dil ka jo mol tha wo ghaTana paDa mujhe

us ne kaha main ji nahin paungi tere bin

is waste wo rishta nibhana paDa mujhe

'faisal' wo sare log the bahre isi liye

KHamosh rah ke shor machana paDa mujhe