partaw-e-husn ek hai aur aaina-KHane bahut

partav-e-husn ek hai aur ā.ina-ḳhāne bahut

ik haqīqat ne banā Daale haiñ afsāne bahut

ruḳhsat ai chāk-e-garebāñ dast-e-vahshat alvidā.a

baḌh chuke haiñ ab junūñ kī had se dīvāne bahut

kho na jaa.eñ kasrat-e-asnām meñ vahdat-parast

bandagī ke zehn meñ hote haiñ but-ḳhāne bahut

sham-e-turbat par mirī aate hue jalte haiñ par

sham-e-mahfil par to aa jaate the parvāne bahut

'bismil' is dillī ke in sunsān vīrānoñ meñ aah

gūñjte haiñ aaj bhī ibrat ke afsāne bahut

partaw-e-husn ek hai aur aaina-KHane bahut

ek haqiqat ne bana Dale hain afsane bahut

ruKHsat ai chaak-e-gareban dast-e-wahshat alwidaa

baDh chuke hain ab junun ki had se diwane bahut

kho na jaen kasrat-e-asnam mein wahdat-parast

bandagi ke zehn mein hote hain but-KHane bahut

sham-e-turbat par meri aate hue jalte hain par

sham-e-mahfil par to aa jate the parwane bahut

'bismil' is dilli ke in sunsan viranon mein aah

gunjte hain aaj bhi ibrat ke afsane bahut