patthar ke ratjage meri palkon mein gaD ke
patthar ke ratjage mirī palkoñ meñ gaaḌ ke
rakh diiñ tire firāq ne āñkheñ ujaaḌ ke
itnī tavīl apnī masāfat nahīñ magar
mushkil-mizāj hote haiñ raste pahāḌ ke
āñkhoñ se ḳhadd-o-ḳhāl nikāle na jā sake
har-chand pheñk dī tirī tasvīr phaaḌ ke
ye bholpan nahīñ hai ki sūraj ke ās-pās
rakkhe ga.e haiñ dā.ere kāñToñ kī baaḌ ke
miTTī meñ mil ga.ī hai tamannā milāp kī
kuchh aur gir paḌe haiñ kināre darāḌ ke
be-mehr mausamoñ ko nahīñ jāntā abhī
ḳhush hai jo sā.ebāñ se ta.alluq bigāḌ ke
patthar ke jism meñ tujhe itnā kiyā talāsh
'mansūr' Dher lag ga.e ghar meñ kabāḌ ke
patthar ke ratjage meri palkon mein gaD ke
rakh din tere firaq ne aankhen ujaD ke
itni tawil apni masafat nahin magar
mushkil-mizaj hote hain raste pahaD ke
aankhon se KHadd-o-KHal nikale na ja sake
har-chand phenk di teri taswir phaD ke
ye bholpan nahin hai ki suraj ke aas-pas
rakkhe gae hain daere kanTon ki baD ke
miTTi mein mil gai hai tamanna milap ki
kuchh aur gir paDe hain kinare daraD ke
be-mehr mausamon ko nahin jaanta abhi
KHush hai jo saeban se talluq bigaD ke
patthar ke jism mein tujhe itna kiya talash
'mansur' Dher lag gae ghar mein kabaD ke
- Book : Quarterly TASTEER Lahore (Pg. 613)
- Author : Naseer Ahmed Nasir
- Publication : H.No.-21, Street No. 2, Phase II, Bahriya Town, Rawalpindi (Issue No. 1, 2, Jan To June.2011)
- Edition : Issue No. 1, 2, Jan To June.2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
