phal daraKHton se gire the aandhiyon mein thaal bhar

phal daraḳhtoñ se gire the āñdhiyoñ meñ thaal bhar

mere hisse meñ magar aa.e nahīñ rūmāl bhar

pahle saare panchhiyoñ ko par mileñ parvāz ke

phir shikārī se kahe koī ki apnā jaal bhar

mausamoñ kī saḳhtiyāñ to bādaloñ sī uḌ ga.iiñ

aaj bhī mahfūz kab hai dil kā shīsha bāl-bhar

dhund hī chhā.ī rahī āñkhoñ meñ tum se kyā kaheñ

ab to yaaro ek sā rahtā hai mausam sāl-bhar

dhuup kī man-māniyoñ par muskurāte the kabhī

in tanāvar peḌoñ par patte bache haiñ Dāl-bhar

ek shai kā naam jo batlā.e us kā naam ho

apnī galiyoñ meñ nahīñ hai mumbai sī chaal bhar

aur ham se kyā taqāza hai tirā asr-e-ravāñ

jān-o-tan kā naam hai bas haDDiyoñ par khāl-bhar

phal daraKHton se gire the aandhiyon mein thaal bhar

mere hisse mein magar aae nahin rumal bhar

pahle sare panchhiyon ko par milen parwaz ke

phir shikari se kahe koi ki apna jal bhar

mausamon ki saKHtiyan to baadalon si uD gain

aaj bhi mahfuz kab hai dil ka shisha baal-bhar

dhund hi chhai rahi aankhon mein tum se kya kahen

ab to yaro ek sa rahta hai mausam sal-bhar

dhup ki man-maniyon par muskuraate the kabhi

in tanawar peDon par patte bache hain Dal-bhar

ek shai ka nam jo batlae us ka nam ho

apni galiyon mein nahin hai mumbai si chaal bhar

aur hum se kya taqaza hai tera asr-e-rawan

jaan-o-tan ka nam hai bas haDDiyon par khaal-bhar