pher kar tegh-e-nazar tegh-e-jafa se pahle

pher kar teġh-e-nazar teġh-e-jafā se pahle

maar Daalā mujhe zālim ne qazā se pahle

ab mirā ḳhūn-e-jigar hāthoñ meñ malte haiñ vo

us se nafrat thī jinheñ rañg-e-hinā se pahle

zulf meñ chhūne na paayā ki bañdhe mere haath

dī sitamgar ne sazā mujh ko ḳhatā se pahle

shauq-e-dīdār kī tezī se maiñ aksar har sub.h

kūcha-e-yār meñ jaatā huuñ sabā se pahle

aisī tāsīr pe sau jaan se sadme qurbāñ

mere ghar aa ga.e vo merī duā se pahle

paas 'sābir' kā buto aaj na karnā paḌtā

duur rahte agar is mard-e-ḳhudā se pahle

pher kar tegh-e-nazar tegh-e-jafa se pahle

mar Dala mujhe zalim ne qaza se pahle

ab mera KHun-e-jigar hathon mein malte hain wo

us se nafrat thi jinhen rang-e-hina se pahle

zulf mein chhune na paya ki bandhe mere hath

di sitamgar ne saza mujh ko KHata se pahle

shauq-e-didar ki tezi se main aksar har subh

kucha-e-yar mein jata hun saba se pahle

aisi tasir pe sau jaan se sadme qurban

mere ghar aa gae wo meri dua se pahle

pas 'sabir' ka buto aaj na karna paDta

dur rahte agar is mard-e-KHuda se pahle