phir bahaar aai hai phir josh mein sauda hoga

phir bahār aa.ī hai phir josh meñ saudā hogā

zaḳhm-e-derīnā se phir ḳhuun Tapaktā hogā

biitī bātoñ ke vo nāsūr hare phir hoñge

baat niklegī to phir baat ko rakhnā hogā

yūrisheñ kar ke umañD ā.eñgī suunī shāmeñ

laakh bhaTkeñ kisī unvāñ na saverā hogā

jī ko samjhā.eñge matvālī havā ke jhoñke

phir koī laakh sambhāle na sambhalnā hogā

kaisī rut aa.ī havā chaltī hai jī Doltā hai

ab to hañsnā bhī taḌapne kā bahānā hogā

TuuT jā.egā ye lāchāri-e-dā.em kā fusūñ

aur is tarah ki jaise koī aatā hogā

dil dhaḌakne kī sadā aa.egī sūne-pan meñ

duur bādal kahīñ parbat pe garajtā hogā

phir bahaar aai hai phir josh mein sauda hoga

zaKHm-e-derina se phir KHun Tapakta hoga

biti baaton ke wo nasur hare phir honge

baat niklegi to phir baat ko rakhna hoga

yurishen kar ke umanD aaengi suni shamen

lakh bhaTken kisi unwan na sawera hoga

ji ko samjhaenge matwali hawa ke jhonke

phir koi lakh sambhaale na sambhalna hoga

kaisi rut aai hawa chalti hai ji Dolta hai

ab to hansna bhi taDapne ka bahana hoga

TuT jaega ye lachaari-e-daem ka fusun

aur is tarah ki jaise koi aata hoga

dil dhaDakne ki sada aaegi sune-pan mein

dur baadal kahin parbat pe garajta hoga