phir bapa shahr mein afraatafari kar jae

phir bapā shahr meñ afrātafarī kar jaa.e

koī ye sūkhī huī Daar harī kar jaa.e

jab bhī iqrār kī kuchh raushaniyāñ jam' karūñ

merī tardīd mirī be-basarī kar jaa.e

ma.adan-e-shab se nikāle zar-e-ḳhushbū aa kar

aa.e ye mo'jiza bād-e-saharī kar jaa.e

kasrateñ aa.eñ nazar zaat kī yaktā.ī meñ

ye tamāshā kabhī āshufta-sarī kar jaa.e

lamha munsif bhī hai mujrim bhī hai majbūrī kā

fā.eda shak kā mujhe de ke barī kar jaa.e

us kā me.aar hī kyā roz badal jaatā hai

chhoḌiye! vo jo agar nā-qadarī kar jaa.e

phir bapa shahr mein afraatafari kar jae

koi ye sukhi hui Dar hari kar jae

jab bhi iqrar ki kuchh raushaniyan jam' karun

meri tardid meri be-basari kar jae

madan-e-shab se nikale zar-e-KHushbu aa kar

aae ye mo'jiza baad-e-sahari kar jae

kasraten aaen nazar zat ki yaktai mein

ye tamasha kabhi aashufta-sari kar jae

lamha munsif bhi hai mujrim bhi hai majburi ka

faeda shak ka mujhe de ke bari kar jae

us ka mear hi kya roz badal jata hai

chhoDiye! wo jo agar na-qadari kar jae