phir charagh-e-lala se raushan hue koh o daman

Roman

Click on any word for its meaning

previous

phir charāġh-e-lāla se raushan hue koh o daman


mujh ko phir naġhmoñ pe uksāne lagā murġh-e-chaman

phuul haiñ sahrā meñ pariyāñ qatār andar qatār


uude uude niile niile piile piile pairahan

barg-e-gul par rakh ga.ī shabnam motī bād-e-sub.h


aur chamkātī hai us motī ko sūraj kiran

husn-e-be-parvā ko apnī be-naqābī ke liye


hoñ agar shahroñ se ban pyāre to shahr achchhe ki ban

apne man meñ Duub kar surāġh-e-zindagī


agar merā nahīñ bantā na ban apnā to ban

man duniyā man duniyā soz o mastī jazb o shauq


tan duniyā tan duniyā suud o saudā makr o fan

man daulat haath aatī hai to phir jaatī nahīñ


tan daulat chhāñv hai aatā hai dhan jaatā hai dhan

man duniyā meñ na paayā maiñ ne afrañgī raaj


man duniyā meñ na dekhe maiñ ne shaiḳh o barhaman

paanī paanī kar ga.ī mujko qalandar ye baat


jhukā jab ġhair ke aage na man terā na tan

phir charagh-e-lala se raushan hue koh o daman


mujh ko phir naghmon pe uksane laga murgh-e-chaman

phul hain sahra mein ya pariyan qatar andar qatar


ude ude nile nile pile pile pairahan

barg-e-gul par rakh gai shabnam ka moti baad-e-subh


aur chamkati hai us moti ko suraj ki kiran

husn-e-be-parwa ko apni be-naqabi ke liye


hon agar shahron se ban pyare to shahr achchhe ki ban

apne man mein Dub kar pa ja suragh-e-zindagi


tu agar mera nahin banta na ban apna to ban

man ki duniya man ki duniya soz o masti jazb o shauq


tan ki duniya tan ki duniya sud o sauda makr o fan

man ki daulat hath aati hai to phir jati nahin


tan ki daulat chhanw hai aata hai dhan jata hai dhan

man ki duniya mein na paya main ne afrangi ka raj


man ki duniya mein na dekhe main ne shaiKH o barhaman

pani pani kar gai mujko qalandar ki ye baat


tu jhuka jab ghair ke aage na man tera na tan

Commentary by Frances Pritchett

Close Source content commmentary source
next

SAY SOMETHING ABOUT THIS GHAZAL

comments powered by Disqus
x