phir ek tir sambhaala usne mujh pe nazar Dali
phir ek tir sambhaala usne mujh pe nazar Dali
Mohammad Ahmad Ramz
MORE BYMohammad Ahmad Ramz
phir ik tiir sambhālā us ne mujh pe nazar Daalī
āḳhirī nekī thī tarkash meñ vo bhī kar Daalī
Thahro yahīñ ai qāfile vaalo aayā dasht-e-balā
us ne ye kah ke apne sar par ḳhāk-e-safar Daalī
aur koī duniyā hai terī jis kī khoj karūñ
zehn meñ phir ik samt bikherī rāhguzar Daalī
haath havā ke baḌhne lage haiñ bastī ke atrāf
dekho us ne chingārī ab kis ke ghar Daalī
chashm-e-falak kā ik aañsū hai gardish kartī zamīñ
kyā pesh aayā jo us ne binā-e-dīda-e-tar Daalī
vaqt se pūchho vaqt se sachchā shāhid koī nahīñ
kis ne teġh uThā.ī ran meñ kis ne sipar Daalī
maiñ to bas gauhar se ḳhālī ek sadaf huuñ 'ramz'
mushkil hogī us ne koī baat agar Daalī
phir ek tir sambhaala us ne mujh pe nazar Dali
aaKHiri neki thi tarkash mein wo bhi kar Dali
Thahro yahin ai qafile walo aaya dasht-e-bala
us ne ye kah ke apne sar par KHak-e-safar Dali
aur koi duniya hai teri jis ki khoj karun
zehn mein phir ek samt bikheri rahguzar Dali
hath hawa ke baDhne lage hain basti ke atraf
dekho us ne chingari ab kis ke ghar Dali
chashm-e-falak ka ek aansu hai gardish karti zamin
kya pesh aaya jo us ne bina-e-dida-e-tar Dali
waqt se puchho waqt se sachcha shahid koi nahin
kis ne tegh uThai ran mein kis ne sipar Dali
main to bas gauhar se KHali ek sadaf hun 'ramz'
mushkil hogi us ne koi baat agar Dali
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
