phir is ke baad rasta hamwar ho gaya

phir is ke baad rāsta hamvār ho gayā

jab ḳhaak se ḳhayāl numūdār ho gayā

ik dāstān-go huā aisā ki apne baad

saarī kahāniyoñ kā vo kirdār ho gayā

saaya na de sakā jise dīvār kā vajūd

us kā vajūd naqsh-ba-dīvār ho gayā

āñkheñ buland hote hī mahdūd ho ga.iiñ

nazreñ jhukā ke dekhā to dīdār ho gayā

vo dūsre dayār kī bātoñ se āshnā

vo ajnabī qabīle kā sardār ho gayā

so.e hue kareñge 'malāl' us kā tajziya

is ḳhvāb-gāh meñ koī bedār ho gayā

phir is ke baad rasta hamwar ho gaya

jab KHak se KHayal numudar ho gaya

ek dastan-go hua aisa ki apne baad

sari kahaniyon ka wo kirdar ho gaya

saya na de saka jise diwar ka wajud

us ka wajud naqsh-ba-diwar ho gaya

aankhen buland hote hi mahdud ho gain

nazren jhuka ke dekha to didar ho gaya

wo dusre dayar ki baaton se aashna

wo ajnabi qabile ka sardar ho gaya

soe hue karenge 'malal' us ka tajziya

is KHwab-gah mein koi bedar ho gaya