phir jo kaTti nahin us raat se KHauf aata hai
phir jo kaTtī nahīñ us raat se ḳhauf aatā hai
so hameñ shām-e-mulāqāt se ḳhauf aatā hai
mujh ko hī phūñk na Dāleñ kahīñ ye lafz mire
ab to apne hī kamālāt se ḳhauf aatā hai
kaT hī jaatā hai safar sahl ho yā mushkil ho
phir bhī har baar shurūāt se ḳhauf aatā hai
vahm kī gard meñ lipTe haiñ savāl aur hameñ
kabhī naf.i kabhī isbāt se ḳhauf aatā hai
aise Thahre hue māhaul meñ 'rahmān'-hafīz
in guzarte hue lamhāt se ḳhauf aatā hai
phir jo kaTti nahin us raat se KHauf aata hai
so hamein sham-e-mulaqat se KHauf aata hai
mujh ko hi phunk na Dalen kahin ye lafz mere
ab to apne hi kamalat se KHauf aata hai
kaT hi jata hai safar sahl ho ya mushkil ho
phir bhi har bar shuruat se KHauf aata hai
wahm ki gard mein lipTe hain sawal aur hamein
kabhi nafi kabhi isbaat se KHauf aata hai
aise Thahre hue mahaul mein 'rahman'-hafiz
in guzarte hue lamhat se KHauf aata hai
- Book : Beesveen Sadi Ki Behtareen Ishqiya Ghazlen (Pg. 95)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
