phir lab pe tera zikr hai phir tera nam hai

phir lab pe terā zikr hai phir terā naam hai

phir jaañ luTāne vāloñ kā ik izhdihām hai

sibt-e-rasūl honā hī izzat kī baat hai

par us se baḌh ke tere amal kā maqām hai

rasm-e-yazīd zulm hai har baar aarzī

dīn-e-husain jidd-o-jahd hai mudām hai

hai harb-e-ishq fat.h kī ḳhvāhish se be-niyāz

ye baat alag ki haar ke bhī fat.h naam hai

kyā ġham agar yazīd rahā eqtidār meñ

parcham to phir husain kā mīr-e-avām hai

parcham banā hai phir ka.ī shahroñ meñ terā naam

tū kārvān-e-jidd-o-jahd kā imaam hai

phir lab pe tera zikr hai phir tera nam hai

phir jaan luTane walon ka ek izhdiham hai

sibt-e-rasul hona hi izzat ki baat hai

par us se baDh ke tere amal ka maqam hai

rasm-e-yazid zulm hai har bar aarzi

din-e-husain jidd-o-jahd hai mudam hai

hai harb-e-ishq fath ki KHwahish se be-niyaz

ye baat alag ki haar ke bhi fath nam hai

kya gham agar yazid raha eqtidar mein

parcham to phir husain ka mir-e-awam hai

parcham bana hai phir kai shahron mein tera nam

tu karwan-e-jidd-o-jahd ka imam hai