phir se badle yahan tahzib ne tewar apne

phir se badle yahāñ tahzīb ne tevar apne

noch kar pheñk diye jism se zevar apne

us ne shab-ḳhūn jo maarā to bachā kuchh bhī nahīñ

ham uḌāte hī rahe chhat pe kabūtar apne

aise zindāñ meñ haiñ jis meñ ki na dīvār na dar

us ne ye soch ke ḳhud kaaT liye par apne

sar-phirā mujh sā koī mere muqābil bhī to ho

har kisī par nahīñ khulne ke haiñ jauhar apne

āsmāñ chhūne kī ḳhvāhish ne hī baḳhshī parvāz

varna hālāt ne to kaaT diye par apne

kis parī-ḳhāna-e-gul-gasht meñ pahuñchā huuñ ki ab

aa.ine meñ bhī Thaharte nahīñ paikar apne

lucknow meñ abhī tahzīb ke tevar haiñ vahī

is bhikāran ne to badle nahīñ zevar apne

phir se badle yahan tahzib ne tewar apne

noch kar phenk diye jism se zewar apne

us ne shab-KHun jo mara to bacha kuchh bhi nahin

hum uDate hi rahe chhat pe kabutar apne

aise zindan mein hain jis mein ki na diwar na dar

us ne ye soch ke KHud kaT liye par apne

sar-phira mujh sa koi mere muqabil bhi to ho

har kisi par nahin khulne ke hain jauhar apne

aasman chhune ki KHwahish ne hi baKHshi parwaz

warna haalat ne to kaT diye par apne

kis pari-KHana-e-gul-gasht mein pahuncha hun ki ab

aaine mein bhi Thaharte nahin paikar apne

lucknow mein abhi tahzib ke tewar hain wahi

is bhikaran ne to badle nahin zewar apne