phir ulajhte hain wo gesu ki tarah
phir ulajhte haiñ vo gesū kī tarah
phir kajī par haiñ vo abrū kī tarah
shahr-e-vahshat meñ kahāñ ghar kaisā
dasht meñ rahte haiñ aahū kī tarah
husn aur ishq ko aao tauleñ
donoñ āñkhoñ se tarāzū kī tarah
mujh ko āñkhoñ meñ jagah do chande
phir girā dījiyo aañsū kī tarah
na kahūñgā ki sañvāro zulfeñ
phir ulajh jā.eñge gesū kī tarah
ai 'saḳhī' phirtī hai kis ḳhaal kī shakl
sāmne aañkh ke bichchhū kī tarah
phir ulajhte hain wo gesu ki tarah
phir kaji par hain wo abru ki tarah
shahr-e-wahshat mein kahan ghar kaisa
dasht mein rahte hain aahu ki tarah
husn aur ishq ko aao taulen
donon aankhon se taraazu ki tarah
mujh ko aankhon mein jagah do chande
phir gira dijiyo aansu ki tarah
na kahunga ki sanwaro zulfen
phir ulajh jaenge gesu ki tarah
ai 'saKHi' phirti hai kis KHal ki shakl
samne aankh ke bichchhu ki tarah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
