phir uThi aaj wo nigah-e-naz
phir uThī aaj vo nigāh-e-nāz
ik na.e daur kā huā āġhāz
har haqīqat hai ā.īna phir bhī
zarra zarra hai ik jahān-e-rāz
lab-e-shā.er pe giit raqsāñ haiñ
rūh-e-fitrat hai gosh-bar-āvāz
merī ḳhāmoshiyoñ ke aalam meñ
guuñj uThtī hai aap kī āvāz
koī aalam nahīñ qayām-pazīr
lamha lamha hai mā.il-e-parvāz
'naqsh' ham ahl-e-dil ne dekhe haiñ
manzil-e-ishq ke nasheb-o-farāz
phir uThi aaj wo nigah-e-naz
ek nae daur ka hua aaghaz
har haqiqat hai aaina phir bhi
zarra zarra hai ek jahan-e-raaz
lab-e-shaer pe git raqsan hain
ruh-e-fitrat hai gosh-bar-awaz
meri KHamoshiyon ke aalam mein
gunj uThti hai aap ki aawaz
koi aalam nahin qayam-pazir
lamha lamha hai mail-e-parwaz
'naqsh' hum ahl-e-dil ne dekhe hain
manzil-e-ishq ke nasheb-o-faraaz
- Book : Andaaz (Pg. 96)
- Author : Mahesh Chandr Naqsh
- Publication : Sangam Kitab Ghar, Delhi (1962)
- Edition : 1962
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
