phir wahi mausam-e-judai hai

phir vahī mausam-e-judā.ī hai

phir mujhe apnī yaad aa.ī hai

phir paḌhā maiñ ne terā pahlā ḳhat

phir se tujh tak mirī rasā.ī hai

phuul sā phir mahak rahā huuñ maiñ

phir hathelī meñ vo kalā.ī hai

pahle bose kī nīm-garm aahaT

phir rag-e-jāñ meñ rat-jagā.ī hai

phir harī hai tamām tanhā.ī

phir se paanī ko sabz-pā.ī hai

phir mirā hai tamām sannāTā

phir mirī bāz-gasht chhā.ī hai

phir zamāna mirī giraft meñ hai

phir mujhe vahm-e-kibriyā.ī hai

phir tujhe chhū ke dekhtā huuñ maiñ

phir se qindīl sī jalā.ī hai

phir tasavvur meñ tere lab aa.e

merī har baat phir hinā.ī hai

Dher hai phir se ḳhaak kī dīvār

phir mujhe zauq-e-rūnumā.ī hai

phir vahī meñ nayā nayā sā huuñ

phir zamīñ se mirī rihā.ī hai

phir wahi mausam-e-judai hai

phir mujhe apni yaad aai hai

phir paDha main ne tera pahla KHat

phir se tujh tak meri rasai hai

phul sa phir mahak raha hun main

phir hatheli mein wo kalai hai

pahle bose ki nim-garm aahaT

phir rag-e-jaan mein rat-jagai hai

phir hari hai tamam tanhai

phir se pani ko sabz-pai hai

phir mera hai tamam sannaTa

phir meri baz-gasht chhai hai

phir zamana meri giraft mein hai

phir mujhe wahm-e-kibriyai hai

phir tujhe chhu ke dekhta hun main

phir se qindil si jalai hai

phir tasawwur mein tere lab aae

meri har baat phir hinai hai

Dher hai phir se KHak ki diwar

phir mujhe zauq-e-runumai hai

phir wahi mein naya naya sa hun

phir zamin se meri rihai hai