phira payambar apna KHarab raste mein
phirā payāmbar apnā ḳharāb raste meñ
diyā nasīb ne achchhā javāb raste meñ
ye sach hai rāh-e-mohabbat baḌī hai TeḌhī khiir
na aa.e ḳhizr kabhī is ḳharāb raste meñ
bhaTakte phirte haiñ is rahguzār meñ āshiq
musāfiroñ kī hai miTTī ḳharāb raste meñ
galī se yaar kī ham uTh ke chal chuke the magar
machal gayā dil-e-pur-iztirāb raste meñ
vo rasta kaaT ke chalte haiñ is liye mujh se
ki kuchh kahe na ye ḳhāna-ḳharāb raste meñ
baġhal meñ daab ke le chal adam ko shīsha-e-mai
milegī 'dāġh' na tujh ko sharāb raste meñ
phira payambar apna KHarab raste mein
diya nasib ne achchha jawab raste mein
ye sach hai rah-e-mohabbat baDi hai TeDhi khir
na aae KHizr kabhi is KHarab raste mein
bhaTakte phirte hain is rahguzar mein aashiq
musafiron ki hai miTTi KHarab raste mein
gali se yar ki hum uTh ke chal chuke the magar
machal gaya dil-e-pur-iztirab raste mein
wo rasta kaT ke chalte hain is liye mujh se
ki kuchh kahe na ye KHana-KHarab raste mein
baghal mein dab ke le chal adam ko shisha-e-mai
milegi 'dagh' na tujh ko sharab raste mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
