phul allah ne banae hain mahakne ke liye
phuul allāh ne banā.e haiñ mahakne ke liye
aur bulbul ko banāyā hai chahakne ke liye
ātish-e-ġham se banāyā hai mire siine meñ
dil ko añgāre kī mānind dahakne ke liye
bache kam-baḳht vo dil kyūñki bhalā jis dil ke
musta.id ho nigah-e-shoḳh uchakne ke liye
rind kahte haiñ ki ḳhāliq ne kiyā hai paidā
raat din nāseh-e-behūda ko bakne ke liye
rahm ai chashm banāyā hai kahīñ kyā dil ko
qatra-e-ashk ho mizhgāñ se Tapakne ke liye
shaiḳh ko rindoñ se kah do ki nazar meñ rakkheñ
kyūñki ab DhūñDe hai qaabū vo khisakne ke liye
'aish' batlā to banā hai dil-e-hairāñ terā
misl-e-ā.īna ye kis shakl ke takne ke liye
phul allah ne banae hain mahakne ke liye
aur bulbul ko banaya hai chahakne ke liye
aatish-e-gham se banaya hai mere sine mein
dil ko angare ki manind dahakne ke liye
bache kam-baKHt wo dil kyunki bhala jis dil ke
mustaid ho nigah-e-shoKH uchakne ke liye
rind kahte hain ki KHaliq ne kiya hai paida
raat din naseh-e-behuda ko bakne ke liye
rahm ai chashm banaya hai kahin kya dil ko
qatra-e-ashk ho mizhgan se Tapakne ke liye
shaiKH ko rindon se kah do ki nazar mein rakkhen
kyunki ab DhunDe hai qabu wo khisakne ke liye
'aish' batla to bana hai dil-e-hairan tera
misl-e-aina ye kis shakl ke takne ke liye
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
