phul khilte the kahani se meri

phuul khilte the kahānī se mirī

jal ga.e sho.ala-fishānī se mirī

apnī pahchān ko qaa.em karne

chal ga.ī lafz-o-ma.ānī se mirī

tez-rau zo.am-e-suḳhan kā dariyā

Thahr jaatā hai ravānī se mirī

merī tahrīroñ ke ā.īnoñ ko

hai gila sāf-bayānī se mirī

ganj-e-maḳhfī kā nishāñ miltā hai

ek ik ġham ko nishānī se mirī

kal thī vābasta na ab hai 'vasfī'

chashm-e-dil arsa-e-fānī se mirī

phul khilte the kahani se meri

jal gae shoala-fishani se meri

apni pahchan ko qaem karne

chal gai lafz-o-maani se meri

tez-rau zoam-e-suKHan ka dariya

Thahr jata hai rawani se meri

meri tahriron ke aainon ko

hai gila saf-bayani se meri

ganj-e-maKHfi ka nishan milta hai

ek ek gham ko nishani se meri

kal thi wabasta na ab hai 'wasfi'

chashm-e-dil arsa-e-fani se meri