phul ko Khaar mat kijiye

phuul ko ḳhaar mat kījiye

raah dushvār mat kījiye

ġhairat-e-ishq kahtī rahī

ġham kā iz.hār mat kījiye

maiñ na ho jā.ūñ pāgal kahīñ

is qadar pyaar mat kījiye

bhaa.ī aapas meñ baT jā.eñge

ghar meñ dīvār mat kījiye

dil meñ gar ġhair kī baat hai

ham se iz.hār mat kījiye

lauT kar vaqt aatā nahīñ

vaqt be-kār mat kījiye

dil ke zaḳhmoñ kā shikva nahīñ

piiTh par vaar mat kījiye

baa'd muddat ke aa.e haiñ vo

aaj takrār mat kījiye

ho jo īmāñ kā dushman 'sirāj'

aisā byopār mat kījiye

phul ko KHar mat kijiye

rah dushwar mat kijiye

ghairat-e-ishq kahti rahi

gham ka izhaar mat kijiye

main na ho jaun pagal kahin

is qadar pyar mat kijiye

bhai aapas mein baT jaenge

ghar mein diwar mat kijiye

dil mein gar ghair ki baat hai

hum se izhaar mat kijiye

lauT kar waqt aata nahin

waqt be-kar mat kijiye

dil ke zaKHmon ka shikwa nahin

piTh par war mat kijiye

ba'd muddat ke aae hain wo

aaj takrar mat kijiye

ho jo iman ka dushman 'siraj'

aisa byopar mat kijiye