phul kuchle ja rahe the baghban chiKHa kiya

phuul kuchle jā rahe the bāġhbāñ chīḳhā kiyā

ye zamīñ rotī rahī vo āsmāñ chīḳhā kiyā

jo makāñ vaale the saare be-ḳhabar sote rahe

raat bhar saḌkoñ pe koī be-makāñ chīḳhā kiyā

jitne zinda log the sab laash ban kar rah ga.e

jab madad ke vāste ik nīm-jāñ chīḳhā kiyā

jānte the ham bhaTak kar hī mileñgī manzileñ

apne hī raste chale phir rāh-dāñ chīḳhā kiyā

zāhiran ham donoñ us kī jaan ke dushman hue

vo jo rishta tere mere darmiyāñ chīḳhā kiyā

jab uThā.ī jaanī thī āvāz zālim ke ḳhilāf

chup rahe ahl-e-zabāñ ik be-zabāñ chīḳhā kiyā

lamha-e-hijrāñ guzarne baad ye aalam rahā

vo kahīñ rotā rahā aur maiñ yahāñ chīḳhā kiyā

ye huā phir baañT lī yāroñ ne saarī kā.enāt

aur maiñ tanhā pas-e-sūd-o-ziyāñ chīḳhā kiyā

tum ko to 'afrañg' aanā hī nahīñ thā lauT kar

maiñ tumhārā naam le kar rā.egāñ chīḳhā kiyā

phul kuchle ja rahe the baghban chiKHa kiya

ye zamin roti rahi wo aasman chiKHa kiya

jo makan wale the sare be-KHabar sote rahe

raat bhar saDkon pe koi be-makan chiKHa kiya

jitne zinda log the sab lash ban kar rah gae

jab madad ke waste ek nim-jaan chiKHa kiya

jaante the hum bhaTak kar hi milengi manzilen

apne hi raste chale phir rah-dan chiKHa kiya

zahiran hum donon us ki jaan ke dushman hue

wo jo rishta tere mere darmiyan chiKHa kiya

jab uThai jaani thi aawaz zalim ke KHilaf

chup rahe ahl-e-zaban ek be-zaban chiKHa kiya

lamha-e-hijran guzarne baad ye aalam raha

wo kahin rota raha aur main yahan chiKHa kiya

ye hua phir banT li yaron ne sari kaenat

aur main tanha pas-e-sud-o-ziyan chiKHa kiya

tum ko to 'afrang' aana hi nahin tha lauT kar

main tumhaara nam le kar raegan chiKHa kiya