phunk de hai munh tera har saf-dil ke tan mein aag

phūñk de hai muñh tirā har sāf-dil ke tan meñ aag

sāmne ḳhurshīd ke lagtī hai jo darpan meñ aag

tujh se ai bulbul ziyāda gul meñ hai tāsīr-e-ishq

dil meñ ḳhuuñ lab par hañsī hai us ke pairāhan meñ aag

ahl-e-zar sāz-e-ra.ūnat se hoveñge dozaḳhī

Dālte haiñ sham.a kī avval rag-e-gardan meñ aag

kohkan laala se ḳhuuñ terā hai joshāñ ba.ad saal

be-sutūñ ke dekh daa.em hai bharī dāman meñ aag

soz-e-hijr-e-kānhā se jo sāñvlā thā 'uzlat' aah

dāġhdār āḳhir lagī Tesū ke bindrāban meñ aag

phunk de hai munh tera har saf-dil ke tan mein aag

samne KHurshid ke lagti hai jo darpan mein aag

tujh se ai bulbul ziyaada gul mein hai tasir-e-ishq

dil mein KHun lab par hansi hai us ke pairahan mein aag

ahl-e-zar saz-e-raunat se howenge dozaKHi

Dalte hain shama ki awwal rag-e-gardan mein aag

kohkan lala se KHun tera hai joshan baad sal

be-sutun ke dekh daem hai bhari daman mein aag

soz-e-hijr-e-kanha se jo sanwla tha 'uzlat' aah

daghdar aaKHir lagi Tesu ke bindraban mein aag