pichhle safar ka aks-e-ziyan mere samne

pichhle safar kā aks-e-ziyāñ mere sāmne

sab bastiyāñ dhuāñ hī dhuāñ mere sāmne

kis ḳhitta-e-talab meñ achānak paḌe the paañv

umDā huā thā dasht-e-gumāñ mere sāmne

jhoñkā sā biit jā.ūñ ki dīvār sā rukūñ

ik aa paḌī hai jā-e-amāñ mere sāmne

shahr-e-sadā pe hai koī parda paḌā huā

koī galī na koī makāñ mere sāmne

is par bhī kyā sabab hai ki uThte nahīñ qadam

jañgal na koī koh-e-girāñ mere sāmne

dekho to aabjū sī jo chhū luuñ to dhuul ḳhaak

kyā shai hai misl-e-reg-e-ravāñ mere sāmne

jis ke sabab rahā hadaf-e-roz-o-shab hī maiñ

TuuTī hai us ufuq kī kamāñ mere sāmne

pichhle safar ka aks-e-ziyan mere samne

sab bastiyan dhuan hi dhuan mere samne

kis KHitta-e-talab mein achanak paDe the panw

umDa hua tha dasht-e-guman mere samne

jhonka sa bit jaun ki diwar sa rukun

ek aa paDi hai ja-e-aman mere samne

shahr-e-sada pe hai koi parda paDa hua

koi gali na koi makan mere samne

is par bhi kya sabab hai ki uThte nahin qadam

jangal na koi koh-e-giran mere samne

dekho to aabju si jo chhu lun to dhul KHak

kya shai hai misl-e-reg-e-rawan mere samne

jis ke sabab raha hadaf-e-roz-o-shab hi main

TuTi hai us ufuq ki kaman mere samne