purane log nae karobar dete hain

purāne log na.e kārobār dete haiñ

ḳhizāñ ḳharīd ke fasl-e-bahār dete haiñ

zarūr un ko mohabbat se vāsta hogā

jo ranj-o-ġham ke evaz ham ko pyaar dete haiñ

shab-e-visāl kī lazzat unheñ nasīb huī

jo intizār kī ghaḌiyāñ guzār dete haiñ

hamāre ashk mohabbat meñ qīmtī Thahre

ġham-e-hayāt kī qismat sañvār dete haiñ

milan kī rut pe bashar kyā daraḳht aur paude

sab apnī apnī qabā.eñ utaar dete haiñ

hamārī jaan kī qīmat chukā rahe haiñ vo

milā ke ḳhaak meñ musht-e-ġhubār dete haiñ

ham apne aap meñ ḳhud bā-vaqār haiñ 'āsī'

jo be-vaqār haiñ apnā vaqār dete haiñ

purane log nae karobar dete hain

KHizan KHarid ke fasl-e-bahaar dete hain

zarur un ko mohabbat se wasta hoga

jo ranj-o-gham ke ewaz hum ko pyar dete hain

shab-e-visal ki lazzat unhen nasib hui

jo intizar ki ghaDiyan guzar dete hain

hamare ashk mohabbat mein qimti Thahre

gham-e-hayat ki qismat sanwar dete hain

milan ki rut pe bashar kya daraKHt aur paude

sab apni apni qabaen utar dete hain

hamari jaan ki qimat chuka rahe hain wo

mila ke KHak mein musht-e-ghubar dete hain

hum apne aap mein KHud ba-waqar hain 'asi'

jo be-waqar hain apna waqar dete hain