pura dukh aur aadha chand

Parveen Shakir

pura dukh aur aadha chand

Parveen Shakir

MORE BY Parveen Shakir

    puurā dukh aur aadhā chāñd

    hijr shab aur aisā chāñd

    din meñ vahshat bahal ga.ī

    raat huī aur niklā chāñd

    kis maqtal se guzrā hogā

    itnā sahmā sahmā chāñd

    yādoñ ābād galī meñ

    ghuum rahā hai tanhā chāñd

    merī karvaT par jaag uTThe

    niiñd kitnā kachchā chāñd

    mere muñh ko kis hairat se

    dekh rahā hai bholā chāñd

    itne ghane bādal ke pīchhe

    kitnā tanhā hogā chāñd

    aañsū roke nuur nahā.e

    dil dariyā tan sahrā chāñd

    itne raushan chehre par bhī

    sūraj hai saayā chāñd

    jab paanī meñ chehra dekhā

    ne kis ko sochā chāñd

    bargad ik shāḳh haTā kar

    jaane kis ko jhāñkā chāñd

    bādal ke resham jhūle meñ

    bhor samay tak soyā chāñd

    raat ke shāne par sar rakkhe

    dekh rahā hai sapnā chāñd

    sūkhe pattoñ ke jhurmuT par

    shabnam thī nanhā chāñd

    haath hilā kar ruḳhsat hogā

    us sūrat hijr chāñd

    sahrā sahrā bhaTak rahā hai

    apne ishq meñ sachchā chāñd

    raat ke shāyad ek baje haiñ

    sotā hogā merā chāñd

    pura dukh aur aadha chand

    hijr ki shab aur aisa chand

    din mein wahshat bahal gai

    raat hui aur nikla chand

    kis maqtal se guzra hoga

    itna sahma sahma chand

    yaadon ki aabaad gali mein

    ghum raha hai tanha chand

    meri karwaT par jag uTThe

    nind ka kitna kachcha chand

    mere munh ko kis hairat se

    dekh raha hai bhola chand

    itne ghane baadal ke pichhe

    kitna tanha hoga chand

    aansu roke nur nahae

    dil dariya tan sahra chand

    itne raushan chehre par bhi

    suraj ka hai saya chand

    jab pani mein chehra dekha

    tu ne kis ko socha chand

    bargad ki ek shaKH haTa kar

    jaane kis ko jhanka chand

    baadal ke resham jhule mein

    bhor samay tak soya chand

    raat ke shane par sar rakkhe

    dekh raha hai sapna chand

    sukhe patton ke jhurmuT par

    shabnam thi ya nanha chand

    hath hila kar ruKHsat hoga

    us ki surat hijr ka chand

    sahra sahra bhaTak raha hai

    apne ishq mein sachcha chand

    raat ke shayad ek baje hain

    sota hoga mera chand

    Videos
    This video is playing from YouTube

    Videos
    This video is playing from YouTube

    Nusrat Fateh Ali Khan

    Nusrat Fateh Ali Khan

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites