pura na shab-e-gham ka kabhi silsila hua

puurā na shab-e-ġham kā kabhī silsila huā

vaqt-e-sahar uThā maiñ duā māñgtā huā

har har nafas meñ lafz-e-mohabbat zabāñ pe hai

mujh meñ na jaane kaun hai ye boltā huā

paayā nahīñ kisī ne bhī ye rāz-e-kā.enāt

ek shaḳhs kho gayā hai ḳhudā DhūñDhtā huā

us se chhupā na pā.egā tū apnā hāl-e-dil

āñkhoñ kā ā.īna hai abhī boltā huā

bīmār thā to pūchhne aa.e nahīñ mizāj

mayyat pe aaj us kī hai mela lagā huā

kal chaudhvīñ kī raat bhī 'arpit' tamām raat

bhaTkā huuñ apne aap ko maiñ DhūñDhtā huā

pura na shab-e-gham ka kabhi silsila hua

waqt-e-sahar uTha main dua mangta hua

har har nafas mein lafz-e-mohabbat zaban pe hai

mujh mein na jaane kaun hai ye bolta hua

paya nahin kisi ne bhi ye raaz-e-kaenat

ek shaKHs kho gaya hai KHuda DhunDhta hua

us se chhupa na paega tu apna haal-e-dil

aankhon ka aaina hai abhi bolta hua

bimar tha to puchhne aae nahin mizaj

mayyat pe aaj us ki hai mela laga hua

kal chaudhwin ki raat bhi 'arpit' tamam raat

bhaTka hun apne aap ko main DhunDhta hua