pyar ka ek pal sukun-e-zindagi de jaega

pyaar kā ik pal sukūn-e-zindagī de jā.egā

ḳhatm jo hone na paa.e vo ḳhushī de jā.egā

vo ḳhulūs-o-mehr kā paikar banām-e-dostāñ

dushmanoñ ko bhī shu.ūr-e-dostī de jā.egā

husn-e-fitrat jalva-gar ho kar yaqīnan ik din

rañg kaliyoñ ko guloñ ko dilkashī de jā.egā

aa.egā vo din hamārī zindagī meñ bhī zarūr

jo añdheroñ ko miTā kar raushnī de jā.egā

vo bhī lamha aa.egā 'tābāñ' rah-e-hastī meñ jo

tere pazhmurda laboñ ko ko de jā.egā

pyar ka ek pal sukun-e-zindagi de jaega

KHatm jo hone na pae wo KHushi de jaega

wo KHulus-o-mehr ka paikar banam-e-dostan

dushmanon ko bhi shuur-e-dosti de jaega

husn-e-fitrat jalwa-gar ho kar yaqinan ek din

rang kaliyon ko gulon ko dilkashi de jaega

aaega wo din hamari zindagi mein bhi zarur

jo andheron ko miTa kar raushni de jaega

wo bhi lamha aaega 'taban' rah-e-hasti mein jo

tere pazhmurda labon ko ko de jaega