pyar mein pahle-pahal pahli ghazal kaisi lagi

pyaar meñ pahle-pahal pahlī ġhazal kaisī lagī

aap kī tārīf meñ likkhī ġhazal kaisī lagī

aap ne kitnī paḌhī kitnī sunī hai shā.irī

aap ko merī qasam merī ġhazal kaisī lagī

maiñ ne dekhā aap ko aur likh diyā jān-e-ġhazal

dushmanoñ ne daad dī achchhī ġhazal kaisī lagī

chaudhvīñ kā chāñd kahtā hai zamāna aap ko

chāñdnī maiñ ne kahā merī ġhazal kaisī lagī

aap se dil ko lagāne kā milā hai ye sila

mil ga.ī shohrat mujhe pyārī ġhazal kaisī lagī

aap to mahfil meñ aa kar muskurā kar chal diye

aap ko mālūm hai merī ġhazal kaisī lagī

maiñ ne 'nāzim' āshiqī meñ jaañ luTā.ī dil diyā

kyā pata māshūq ko aisī ġhazal kaisī lagī

pyar mein pahle-pahal pahli ghazal kaisi lagi

aap ki tarif mein likkhi ghazal kaisi lagi

aap ne kitni paDhi kitni suni hai shairi

aap ko meri qasam meri ghazal kaisi lagi

main ne dekha aap ko aur likh diya jaan-e-ghazal

dushmanon ne dad di achchhi ghazal kaisi lagi

chaudhwin ka chand kahta hai zamana aap ko

chandni main ne kaha meri ghazal kaisi lagi

aap se dil ko lagane ka mila hai ye sila

mil gai shohrat mujhe pyari ghazal kaisi lagi

aap to mahfil mein aa kar muskura kar chal diye

aap ko malum hai meri ghazal kaisi lagi

main ne 'nazim' aashiqi mein jaan luTai dil diya

kya pata mashuq ko aisi ghazal kaisi lagi