qabil-e-did ye bhi manzar hai
qābil-e-dīd ye bhī manzar hai
har ḳhushī ġham kā ek daftar hai
sochtā huuñ yahī mirā ghar hai
kis ke jalvoñ se ab munavvar hai
yād-e-jānāñ are ma.āz-allāh
jaise pahlū meñ ek nashtar hai
un se har chand rasm-o-rāh nahīñ
silsila ġham kā phir barābar hai
kaise ho mustafīz peshānī
sañg-dil jab ki ḳhud tirā dar hai
yak-ba-yak hans paḌā hai dīvāna
har-nafas dekhtā hai shashdar hai
imtihāñ 'ḳhizr' hai vafāoñ kā
us ke hāthoñ meñ aaj ḳhanjar hai
qabil-e-did ye bhi manzar hai
har KHushi gham ka ek daftar hai
sochta hun yahi mera ghar hai
kis ke jalwon se ab munawwar hai
yaad-e-jaanan are maaz-allah
jaise pahlu mein ek nashtar hai
un se har chand rasm-o-rah nahin
silsila gham ka phir barabar hai
kaise ho mustafiz peshani
sang-dil jab ki KHud tera dar hai
yak-ba-yak hans paDa hai diwana
har-nafas dekhta hai shashdar hai
imtihan 'KHizr' hai wafaon ka
us ke hathon mein aaj KHanjar hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
