qail bhala hon nama-bari mein saba ke KHak

qaa.il bhalā hoñ nāma-barī meñ sabā ke ḳhaak

phirtī hai vo bhī galiyoñ meñ aksar uḌā ke ḳhaak

kahtā huuñ soz-e-dil se ki kar chuk jalā ke ḳhaak

ek baat par jo yaar ne jaanī uThā ke ḳhaak

kyā kāñptā hai nāla-e-sozāñ se ai falak

jab baat thī ki mujh ko kiyā ho jalā ke ḳhaak

paanī nikal ke dasht meñ jaarī hai jā-ba-jā

yā-rab gayā hai kaun ye sar par uḌā ke ḳhaak

dāman uThā uThā ke jo bachtā huā chalā

kyuuñ hoveñ mar ke kūche meñ is bevafā ke ḳhaak

rizvāñ abīr-e-ḳhuld se badlūñ na zīnhār

ḳhushbū hai kūche meñ vo mire mah-laqā ke ḳhaak

'ārif' ko yaaro ham to samajhte the ahl-e-dīñ

dariyā meñ log aa.e haiñ us kī bahā ke ḳhaak

qail bhala hon nama-bari mein saba ke KHak

phirti hai wo bhi galiyon mein aksar uDa ke KHak

kahta hun soz-e-dil se ki kar chuk jala ke KHak

ek baat par jo yar ne jaani uTha ke KHak

kya kanpta hai nala-e-sozan se ai falak

jab baat thi ki mujh ko kiya ho jala ke KHak

pani nikal ke dasht mein jari hai ja-ba-ja

ya-rab gaya hai kaun ye sar par uDa ke KHak

daman uTha uTha ke jo bachta hua chala

kyun howen mar ke kuche mein is bewafa ke KHak

rizwan abir-e-KHuld se badlun na zinhaar

KHushbu hai kuche mein wo mere mah-laqa ke KHak

'arif' ko yaro hum to samajhte the ahl-e-din

dariya mein log aae hain us ki baha ke KHak