qasid-e-mast-gam mauj-e-saba

qāsid-e-mast-gām mauj-e-sabā

koī ramz-e-ḳhirām mauj-e-sabā

vādī-e-barf kā koī sandes

mere ashkoñ ke naam mauj-e-sabā

koī mauj-e-ḳhayāl meñ bahtī

manziloñ kā payām mauj-e-sabā

so simaTtī masāfatoñ kā tilism

terī karvaT kā naam mauj-e-sabā

tere dāman kī ḳhushbuoñ meñ haiñ ġham

sau suhāne maqām mauj-e-sabā

aatī patjhaḌ ke saath lauTte vaqt

ik bahāreñ payām mauj-e-sabā

ik naved-e-nigāh-e-paik-e-habīb

ik javāb-e-salām mauj-e-sabā

qasid-e-mast-gam mauj-e-saba

koi ramz-e-KHiram mauj-e-saba

wadi-e-barf ka koi sandes

mere ashkon ke nam mauj-e-saba

koi mauj-e-KHayal mein bahti

manzilon ka payam mauj-e-saba

so simaTti masafaton ka tilism

teri karwaT ka nam mauj-e-saba

tere daman ki KHushbuon mein hain gham

sau suhane maqam mauj-e-saba

aati patjhaD ke sath lauTte waqt

ek bahaaren payam mauj-e-saba

ek nawed-e-nigah-e-paik-e-habib

ek jawab-e-salam mauj-e-saba