qabr mein ab kisi ka dhyan nahin

qabr meñ ab kisī kā dhyān nahīñ

sach hai jab jī nahīñ jahān nahīñ

band bulbul hī kī zabān nahīñ

varna gul to hilāte kaan nahīñ

dil ne ḳhud ulfat-e-kamar kī hai

is meñ kuchh merā darmiyān nahīñ

abhī kyā kyā na hogā harj nasīb

ham nahīñ haiñ ki imtihān nahīñ

dair kyuuñ zāhidoñ ne chhoḌ diyā

kyā butoñ meñ ḳhudā kī shaan nahīñ

shams kaisā chamak ke niklā hai

aaj merā jo mehrbān nahīñ

baat kyā hai 'saḳhī' jo vo ham se

aise chup haiñ ki kuchh bayān nahīñ

qabr mein ab kisi ka dhyan nahin

sach hai jab ji nahin jahan nahin

band bulbul hi ki zaban nahin

warna gul to hilate kan nahin

dil ne KHud ulfat-e-kamar ki hai

is mein kuchh mera darmiyan nahin

abhi kya kya na hoga harj nasib

hum nahin hain ki imtihan nahin

dair kyun zahidon ne chhoD diya

kya buton mein KHuda ki shan nahin

shams kaisa chamak ke nikla hai

aaj mera jo mehrban nahin

baat kya hai 'saKHi' jo wo hum se

aise chup hain ki kuchh bayan nahin