qad tera sarw-e-rawan tha mujhe malum na tha

qad tirā sarv-e-ravāñ thā mujhe ma.alūm na thā

gulshan-e-dil meñ ayaañ thā mujhe ma.alūm na thā

dhuup meñ ġham kī abas jī kuuñ jalāyā afsos

us ke saa.e meñ amaañ thā mujhe ma.alūm na thā

yaar ne abrū o mizhgāñ siiñ mujhe said kiyā

sāhib-e-tīr-o-kamāñ thā mujhe ma.alūm na thā

sab jagat DhūñD phirā yaar na paayā lekin

dil ke goshe meñ nihāñ thā mujhe ma.alūm na thā

ḳhaak tere qadam-e-pāk kī ai nūr-e-nigāh

surma-e-dīda-e-jāñ thā mujhe ma.alūm na thā

maiñ samajhtā thā ki us yaar kā hai nām-o-nishāñ

yaar benām-o-nishāñ thā mujhe ma.alūm na thā

roza-dārān-e-judā.ī kuuñ ḳham-e-abrū-e-yār

māh-e-īd-e-ramazāñ thā mujhe ma.alūm na thā

nigah-e-shoḳh ne dil ek karishme meñ liyā

kyā balā saif-e-zabāñ thā mujhe ma.alūm na thā

shab-e-hijrāñ kī na thī taab mujhe misl-e-'sirāj'

ruḳh tirā nūr-fishāñ thā mujhe ma.alūm na thā

qad tera sarw-e-rawan tha mujhe malum na tha

gulshan-e-dil mein ayan tha mujhe malum na tha

dhup mein gham ki abas ji kun jalaya afsos

us ke sae mein aman tha mujhe malum na tha

yar ne abru o mizhgan sin mujhe said kiya

sahib-e-tir-o-kaman tha mujhe malum na tha

sab jagat DhunD phira yar na paya lekin

dil ke goshe mein nihan tha mujhe malum na tha

KHak tere qadam-e-pak ki ai nur-e-nigah

surma-e-dida-e-jaan tha mujhe malum na tha

main samajhta tha ki us yar ka hai nam-o-nishan

yar benam-o-nishan tha mujhe malum na tha

roza-daran-e-judai kun KHam-e-abru-e-yar

mah-e-id-e-ramazan tha mujhe malum na tha

nigah-e-shoKH ne dil ek karishme mein liya

kya bala saif-e-zaban tha mujhe malum na tha

shab-e-hijran ki na thi tab mujhe misl-e-'siraj'

ruKH tera nur-fishan tha mujhe malum na tha