qadam uThe hain to dhul aasman tak jae

qadam uThe haiñ to dhuul āsmān tak jaa.e

chale chalo ki jahāñ tak bhī ye saḌak jaa.e

nazar uThāo ki ab tīrgī ke chehre par

ajab nahīñ ki koī raushnī lapak jaa.e

gudāz jism se phūloñ pe uñgliyāñ rakh duuñ

ye shāḳh aur zarā sā agar lachak jaa.e

kabhī kabhār tire jism kā akelā-pan

mire ḳhayāl kī uryāniyat ko Dhak jaa.e

tire ḳhayāl kī tamsīl yuuñ samajh jānāñ

dil o dimāġh meñ bijlī sī ik chamak jaa.e

tire visāl kī ummīd yuuñ bhī TuuTī hai

ki aañkh bhar bhī nahīñ paa.e aur chhalak jaa.e

kabhī kabhār bharose kā qatl yuuñ bhī ho

ki jaise paañv tale se zamīñ sarak jaa.e

qadam uThe hain to dhul aasman tak jae

chale chalo ki jahan tak bhi ye saDak jae

nazar uThao ki ab tirgi ke chehre par

ajab nahin ki koi raushni lapak jae

gudaz jism se phulon pe ungliyan rakh dun

ye shaKH aur zara sa agar lachak jae

kabhi kabhaar tere jism ka akela-pan

mere KHayal ki uryaniyat ko Dhak jae

tere KHayal ki tamsil yun samajh jaanan

dil o dimagh mein bijli si ek chamak jae

tere visal ki ummid yun bhi TuTi hai

ki aankh bhar bhi nahin pae aur chhalak jae

kabhi kabhaar bharose ka qatl yun bhi ho

ki jaise panw tale se zamin sarak jae