qadmon ko Thaharne ka hunar hi nahin aaya
qadmoñ ko Thaharne kā hunar hī nahīñ aayā
sab manzileñ sar ho ga.iiñ ghar hī nahīñ aayā
thī teġh usī haath meñ qātil bhī vahī thā
jo haath ki maqtal meñ nazar hī nahīñ aayā
ghar khod diyā saarā ḳhazāne kī havas meñ
niiv aa ga.ī tah-ḳhāne kā dar hī nahīñ aayā
kyā shāḳhoñ pe itrā.iye kyā kiije guloñ kā
peḌoñ pe agar koī samar hī nahīñ aayā
sau ḳhauf zamāne ke simaT aa.e haiñ dil meñ
bas ek ḳhudā-pāk kā Dar hī nahīñ aayā
qadmon ko Thaharne ka hunar hi nahin aaya
sab manzilen sar ho gain ghar hi nahin aaya
thi tegh usi hath mein qatil bhi wahi tha
jo hath ki maqtal mein nazar hi nahin aaya
ghar khod diya sara KHazane ki hawas mein
niw aa gai tah-KHane ka dar hi nahin aaya
kya shaKHon pe itraiye kya kije gulon ka
peDon pe agar koi samar hi nahin aaya
sau KHauf zamane ke simaT aae hain dil mein
bas ek KHuda-pak ka Dar hi nahin aaya
- Book : Sadaa-e-aabju (Pg. 78)
- Author : Arshad Abdul Hameed
- Publication : Arshad Abdul Hameed (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
