qadmon pe tere daulat-o-din war gae hum

qadmoñ pe tire daulat-o-dīñ vaar ga.e ham

haañ ahl-e-havas jiit ga.e haar ga.e ham

sar thā to rahā ek hī ġham ek hī saudā

dar terā salāmat thā to sau baar ga.e ham

haañ haañ vo umangoñ ke umañDte hue dariyā

Duube haiñ phir ubhre haiñ tab us paar ga.e ham

uTThī hai to ai mauj-e-balā sar se guzar jā

ab tak to na sāhil pe subuksār ga.e ham

sach hai ki na yūsuf the na yūsuf ke ḳharīdār

kan.āñ se magar misr ke bāzār ga.e ham

ik umr tarāshā kiye jiine ke bahāne

tā-āñki sar-e-auj-e-sar-e-dār ga.e ham

qadmon pe tere daulat-o-din war gae hum

han ahl-e-hawas jit gae haar gae hum

sar tha to raha ek hi gham ek hi sauda

dar tera salamat tha to sau bar gae hum

han han wo umangon ke umanDte hue dariya

Dube hain phir ubhre hain tab us par gae hum

uTThi hai to ai mauj-e-bala sar se guzar ja

ab tak to na sahil pe subuksar gae hum

sach hai ki na yusuf the na yusuf ke KHaridar

kanan se magar misr ke bazar gae hum

ek umr tarasha kiye jine ke bahane

ta-anki sar-e-auj-e-sar-e-dar gae hum