qafas ko chaman se siwa jaante hain
qafas ko chaman se sivā jānte haiñ
har ik saañs ko ham sabā jānte haiñ
lahū ro ke sīñchā hai ham ne chaman ko
har ik phuul kā mājrā jānte haiñ
jise naġhma-e-nai samajhtī hai duniyā
use bhī ham apnī sadā jānte haiñ
ishārā kare jo na.ī zindagī kā
ham us ḳhud-kushī ko ravā jānte haiñ
tirī dhun meñ kosoñ safar karne vaale
tujhe sañg-e-manzil-numā jānte haiñ
qafas ko chaman se siwa jaante hain
har ek sans ko hum saba jaante hain
lahu ro ke sincha hai hum ne chaman ko
har ek phul ka majra jaante hain
jise naghma-e-nai samajhti hai duniya
use bhi hum apni sada jaante hain
ishaara kare jo nai zindagi ka
hum us KHud-kushi ko rawa jaante hain
teri dhun mein koson safar karne wale
tujhe sang-e-manzil-numa jaante hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
